ВЕЛИКАЯ СРЕДА

Пролог (аудио)

Святая и Великая Среда

Да исправится молитва моя... (аудио)

Во святую и Великую Среду последний раз поется тропарь:

Се, Жени́х гряде́т в полу́нощи, и блаже́н раб, его́же обря́щет бдя́ща: недосто́ин же па́ки, его́же обря́щет уныва́юща. Блюди́ у́бо, душе́ моя́, не сно́м отяготи́ся, да не сме́рти предана́ бу́деши и Ца́рствия вне затвори́шися, но воспряни́ зову́щи: Свят, Свят, Свят еси́, Бо́же, Богоро́дицею поми́луй нас.

Синаксарь

Стихи:

Та, что на тело Христа возлила многоценное миро,
Предвосхитила смирну с алоем, кои принес Никодим.

Когда Господь был в дому Симона прокаженного, некая жена приступила к Нему и возлила на главу Его многоценное миро. Почему она замыслила это? Потому что видела сострадательность Христа и общительность Его со всеми. Особенно же, увидев Его вошедшим в дом заразного больного, которого закон признавал нечистым и отлученным от общения. Уверовала жена, что исцелит Господь как прокаженного, так и ее душевную болезнь. Когда она выливала на голову Спасителя драгоценное миро, ученики, а больше всех сребролюбивый Иуда, вознегодовали на нее. Христос же заступился за жену и предсказал, что доброе дело ее будет проповедано по всей вселенной.
Умным миром помазанный, Христе Боже, находящих страстей свободи и помилуй нас, яко един свят и человеколюбец.

Песнопения Великой Среды

Черто́г Твой ви́жду, Спа́се мой, украше́нный, и оде́жды не и́мам, да вни́ду в онь: просвети́ одея́ние души́ мое́й, Светода́вче, и спаси́ мя.

Многоце́нное ми́ро блудни́ца смеси́ со слеза́ми, и излия́ на пречи́стеи но́зе Твои́, облобыза́ющи; о́ную а́бие оправда́л еси́, нам же проще́ние да́руй, пострада́вый о нас, и спаси́ нас.

Погруже́ная грехо́м, обре́те Тя приста́нище Спа́сения, виждь и ми́ра со слеза́ми растворя́ющую. Тебе́ вопия́ше; виждь согреша́ющих покая́ния ожида́яй: но, Влады́ко, спаси́ мя от волны́ грехо́вныя, вели́кия ра́ди Твоея́ ми́лости.

Простре́ блудни́ца власы́ Тебе́, Влады́це, простре́ Иу́да ру́це беззако́нным: о́ва у́бо прия́ти оставле́ние, ов же взя́ти сре́бреники. Те́мже Тебе́ вопие́м про́даному, и свобо́ждшему нас: Го́споди, сла́ва Тебе́.

Днесь лука́вое собра́ся со́нмище, и на Тя тще́тная поучи́шася. Днесь от согла́сия удавле́ние Иу́да обруча́ет, Каиа́фа же не́волею испове́дует: я́ко еди́н за всех восприе́млеши смерть во́лею. Изба́вителю наш, Христе́ Бо́же, сла́ва Тебе́.

Па́че блудни́цы, Бла́же, беззако́нновав, слез ту́чи ника́коже Те́бе принесо́х: но молча́нием моля́ся припа́даю Ти, любо́вию облобыза́я пречи́стеи Твои́ но́зе: я́ко да оставле́ние мне, я́ко Влады́ка, пода́си долго́в, зову́щу Ти, Спа́се: от скве́рных дел мои́х изба́ви мя.

Иди́те ко о́нсице, вся Ве́дый предглаго́лет апо́столом, и блаже́н есть, и́же мо́жет ве́рно прия́ти Го́спода: го́рницу у́бо се́рдце предъугото́вав и ве́черю благоче́стие.

Отпу́ст

Гряды́й, Го́споди, на во́льную страсть на́шего ра́ди спасе́ния, Христе́, И́стинный Бо́же наш, моли́твами Пречи́стыя Своея́ Матере, святы́х сла́вных и всехва́льных апо́стол, святы́х и пра́ведных Богооте́ц Иоаки́ма и А́нны, и всех святы́х, поми́луй и спаси́ нас, я́ко Благ и Человеколю́бец. Ами́нь.