Старый сайт доступен по ссылке old.letovochurch.ru

НЕДЕЛЯ 6-Я ПО ПАСХЕ, О СЛЕПОМ

Пролог (аудио)

Песнопения дня

Го́споди, мимоходя́ путе́м, обре́л еси́ челове́ка сле́па от рожде́ния, и удивле́ни бы́вше ученицы́, вопроша́ху Тя́ глаго́люще: Учи́телю, кто́ согреши́: се́й ли, или́ роди́тели его́, да сле́п роди́ся? Ты́ же Спа́се мо́й возопи́л еси́ к ни́м: ни се́й согреши́, ни роди́тели его́, но да явя́тся дела́ Бо́жия на не́м. Мне́ подоба́ет де́лати дела́ Посла́вшаго Мя́, я́же никто́же мо́жет де́лати. И сия́ ре́к, плю́нув до́лу, и бре́ние сотво́рь, пома́зал еси́ о́чи его́, ре́к к нему́: иди́, умы́йся в Силоа́мстей купе́ли. Он же умы́вся здра́в бы́сть, и вопия́ше к Тебе́: ве́рую Го́споди, и поклони́ся Тебе́. Те́мже вопие́м и мы́, поми́луй на́с. (Стихира на Славу, на Господи воззвах)

Воскресения день... (аудио)

Кондак, гл.4

Душе́вныма очи́ма ослепле́н, к Тебе́, Христе́, прихожду́, я́коже слепы́й от рожде́ния, покая́нием зову́ Ти: Ты су́щих во тьме Свет пресве́тлый.

Свет Отца́ чту, Свет сла́влю и Сы́на, Свет воспева́ю Ду́ха Пра́ваго, еди́н Свет неразде́льный, в трие́х Ли́цех разумева́емый, Бо́га Царя́ всея́ тва́ри.

Светилен праздника

У́мныя мои́ о́чи, ослепле́нныя, Го́споди, от мра́чнаго греха́, Ты просвети́, вложи́в, Ще́дре, смире́ние, покая́ния омы́й слеза́ми.

Величание святым равноапостольным Киpиллу и Мефодию, учителем Словенским

Велича́ем вас, святи́и равноапо́стольнии Мефо́дие и Кири́лле, вся слове́нския страны́ уче́ньми свои́ми просвети́вшия и ко Христу́ приве́дшия.

Многолетие Святейшему Патриарху Московскому и всея Руси Кириллу

Многолетие (аудио)