ВЕЛИКАЯ СУББОТА
Святая и Великая Суббота
Синаксарь
Святая Четыредесятница превосходит все остальные дни в году, но больше ее Великая седмица, а из дней Великой седмицы наибольший — Великая и Святая Суббота. В день сей созерцаем молитвенно боготелесное погребение и во ад сошествие Господа Бога и Спаса нашего Иисуса Христа, имиже Он роду нашему, воззвав его от тления, вечную жизнь даровал. Неизреченным снисхождением Твоим, Христе Боже наш, помилуй нас.
Стихи:
Тщетно ты гроб стережешь запечатанный, стража,
Ибо в нем нет уж Того, Кто Сам дарует жизнь.
Песнопения Великой Субботы
Благообра́зный Иосиф, с дре́ва снем Пречи́стое Те́ло Твое́, Плащани́цею чи́стою обви́в, и воня́ми во гробе но́ве покры́в положи́.
Егда́ снизше́л еси́ к сме́рти, Животе́ Безсме́ртный, тогда́ ад умертви́л еси́ блиста́нием Бо́жества. Егда́ же и уме́ршыя от преиспо́дних воскреси́л еси́, вся Си́лы Небе́сныя взыва́ху: Жизнода́вче Христе́ Бо́же наш, сла́ва Тебе́.
Бе́здну заключи́вый, мертв зри́тся, и сми́рною и плащани́цею обви́вся, во гро́бе полага́ется я́ко сме́ртный Безсме́ртный: же́ны же приидо́ша пома́зати Его́ ми́ром, пла́чущыя го́рько и вопию́щыя: сий суббо́та есть преблагослове́нная, в не́йже Христо́с усну́в воскре́снет тридне́вен.
Вместо Херувимской песни:
Да молчи́т вся́кая плоть челове́ча, и да стои́т со стра́хом и тре́петом, и ничто́же земно́е в себе́ да помышля́ет: Царь бо Ца́рствующих и Госпо́дь госпо́дствующих прихо́дит закла́тися и да́тися в снедь ве́рным. Предхо́дят же сему ли́цы А́нгельстии со вся́ким Нача́лом и Вла́стию, многоочи́тии Херуви́ми и шестокрила́тии Серафи́ми, ли́ца закрыва́юще и вопию́ще песнь: Аллилу́иа, Аллилу́иа, Аллилу́иа.
Не рыдай Мене, Мати... (аудио)
Не рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́ Сы́на: воста́ну бо и просла́влюся, и вознесу́ со сла́вою непреста́нно, я́ко Бог, ве́рою и любо́вию Тя велича́ющия.
Отпуст
И́же нас ра́ди челове́ков и на́шего ра́ди Спасе́ния страшныя стра́сти и Животворя́щий крест, и во́льное погребе́ние пло́тию изво́ливый, Христо́с И́стинный Бог наш, моли́твами Пречи́стыя Своея́ Ма́тере, и всех святы́х, поми́лует и спасе́т нас, я́ко Благ и Человеколю́бец.