ВЕЛИКИЙ ЧЕТВЕРГ

Пролог (аудио)

Святой и Великий Четверток
Воспоминание Тайной Вечери

Синаксарь

Стихи на священное умовение:
На вечере Бог умывает апостолов ноги,
Тот, Чья нога в полдень ступала в Эдеме.

Стихи на Тайную Вечерю:
Сугубая вечеря с пасхой законной
Новую Пасху несет, Кровь и Тело Владычне.

Стихи на молитву о Чаше:
Страшна молитва сия, в кровавом поту наш Спаситель
Богу молился Отцу, смерть и врага обманув

Стихи на предательство:
Люди обмана! К чему вам мечи и дреколья
Против готового ныне за мир умереть?

Песнопения Великого Четвертка

Па́сха Христо́с есть вели́кая и всече́стная, снеде́н быв я́ко хлеб: закла́н же я́ко овча́: Той бо вознесе́ся о нас же́ртва: Того́ те́ла благоче́стно, и Того́ кро́ве вси та́йно причаща́емся.

Христо́с учреди́ мир, Небе́сный и Боже́ственный Хлеб: Прииди́те у́бо христолю́бцы, бре́нными устна́ми, чи́стыми же се́рдцы, прии́мем ве́рно жре́мую Па́сху, в нас священноде́йствуемую.

Егда славнии ученицы... (аудио)

Егда́ сла́внии ученицы́ на умове́нии ве́чери просвеща́хуся, тогда́ Иу́да злочести́вый сребролю́бием неду́говав омрача́шеся, и беззако́нным судия́м Тебе́ пра́веднаго Судию́ предае́т. Виждь име́ний рачи́телю, сих ра́ди удавле́ние употреби́вша. Бежи́ несы́тыя души́, учи́телю та́ковая дерзнувшия: И́же о всех Благи́й, Го́споди, сла́ва Тебе́.

Ученико́м показу́ет смире́ния о́браз Влады́ка, о́блаки облага́яй не́бо, препоясу́ется ле́нтием, и преклоня́ет коле́на, рабо́м омы́ти но́ги, в Его́же ру́це дыха́ние всех су́щих.

Хлеб прие́мь в ру́це преда́тель, сокрове́нно тыя простира́ет, и прие́млет це́ну Созда́вшаго Свои́ма рука́ма челове́ка, и неиспра́влен пребы́сть Иу́да раб и льстец.

Черто́г Твой ви́жду, Спа́се мой, украше́нный, и оде́жды не и́мам, да вни́ду в онь: просвети́ одея́ние души́ мое́й, Светода́вче, и спаси́ мя.

Зауше́нный за род челове́ческий, и не прогне́вавыйся, свободи́ от истле́ния живо́т наш, Го́споди, и спаси́ нас.

Вечери Твоея тайныя днесь... (аудио)

Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни
лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

Я́коже вся омыв, возле́г Иису́с к Свои́м ученико́м глаго́лет: ве́сте вси, что сотвори́х ны́не. Образ бо дах вам
смире́ния всем: да и́же хо́щет пе́рвый бы́ти, да бу́дет всех после́дний произволе́нием.

Отпуст

И́же за превосходя́щую Бла́гость Путь добре́йший смире́ния показа́вый, внегда́ умы́ти но́ги ученико́в, да́же и до креста́ и погребе́ния Снизше́дый нам, Христо́с И́стинный Бог наш, моли́твами Пречи́стыя Своея́ Ма́тере, и всех святы́х, поми́лует и спасе́т нас, я́ко Благ и Человеколю́бец.